Tembung Rangkep

Tembung rangkep (kata ulang) yaiku sakabehing tembung sing diwaca kaping pindho, bisa sakabehing tembung utawa mung sawanda (sakecap) bae. Tembung rangkep ana telung warna, yaiku :

1.    Tembung Dwilingga

Tembung Dwilingga yaiku tembung kang diwaca kaping pindho kabeh linggane. Tembung Dwilingga kapareng dadi loro yaiku Dwilingga Wantah lan Dwilingga salin swara.

1. Dwilingga wantah yaiku dwilingga kang dumadhine sarana karangkep tembunge tanpa owah-owahan. Tuladha :

-          Guru-guru           : Guru-guru padha ngajar ing kelas.

-          Bocah-bocah      : Bocah-bocah padha dolanan neng lapangan.

-          Ibu-ibu                 : Lomba masak diikuti dening ibu-ibu.

2. Dwilingga salin swara yaiku dwilingga kang dumadhine sarana ngowahi tembunge sing ngarep, mburi, utawa loro pisan. Tuladha :

-          Mloka-mlaku       : Neng pante kartini akeh wong padha mloka-mlaku.

-          Gonjang-ganjing  : Nalika ana lindu bumine gonjang-ganjing.

-          Mrana-mrene      : Wong iku mrana-mrene nggoleki barange sing ilang.

2.    Tembung Dwipurwa

Tembung Dwipurwa yaiku tembung lingga utawa andhahan kang karangkep purwane (wanda sing ngarep). Tuladha :

-          lara  -  lalara  -  lelara                       : Ing wayah udan akeh bocah padha kena lelara.

-          tuku  -  tutuku  -  tetuku                  : Pasar iku panggonan tetuku barang barang   kaperluan sadina-dina

-          tulung  -  tutulung  -  tetulung         : Dadi warga masyarakat kudu padha tetulung    karo tanggane.

3.    Tembung Dwiwasana

Tembung Dwiwasana yaiku tembung kang dumadine sarana karangkep wandha kang wekasan (mburi). Tuladha :

-          Cenges – cengesnges – cengenges      : Dadi murid aja cengengesan karo gurune.
-     Cekik – cekikkik – cekikik                            : bocah iku guyune cekikikan


sumber : dari berbagai sumber internet dan buku

• Tweet
• Share
• Share
• Share
• Share

Sign up here with your email